Utstillinga PÅFUGLØYNE I UMØRKE presenterer Øvrelids karakteristiske symboltunge figurative måleri. Arbeida tek oss med inn i ei dramatisk, eventyrleg verd der kunsthistoriske helteskikkelsar og fiksjonsfigurar møter samtidige kvardagsobjekt i overveldande dekorerte biletrom. Dei inviterer inn i ei verd som verkar gjenkjennande og framandgjerande på same tid.  Øvrelid nytter digitale verktøy når han ser attende på historiske bilete og nytter element frå dei store målarane frå renessansen og barokken. Øvrelid har laga fleire nye arbeid til utstillinga.

Munan Øvrelid (f.1978) er utdanna frå Kunstakademiet i Trondheim. Han har delteke på gruppe- og separatutstillingar nasjonalt – og internasjonalt (Galleri Haaken, Oslo, Kunstnerforbundet, Oslo, The Restroom, Berlin, Galeria Luisa Strina, Sao Paolo, Brasil) . Arbeida hans fokuserer på figurativt måleri. Øvrelid er innkjøpt av offentlege og private samlingar (Nasjonalmuseet).